عناية ذاتية

صفحات الصباح.

photo_2018-11-29_20-58-37

مرحبا جميعاً

لي فتره طويلة جداً ما كتبت تدوينة ف اليوم أبغا أشاركم تجربة رهيبة وعرفت عنها عن قريب وهي صفحات الصباح عرفت الشي ذا من يوتيوبر إسمها إلين وعرفت للأول مرا منها الجربه ذي وبعدها بحثت بلعربي عن يوتيوبر عرب حكو بشي ذا ولقيت رباب و نوف حكيم وعرفوني أكثر عليها وبتفصيل .

🌻🌿

أولا:أيش هي صفحات الصباح؟

هي أنو تفضي الي تفكري فيه من طاقه سلبية من مشاعر وأحاسيس وأي شي جواتك تتجاهلي تحكي فيه او تفكري فيه في ثلاث صفحات وبعد ماتخلصي ماتطلعي عليها أبدا ^مثل أحيان أصحى وأنوي أكتب صفحات الصباح بس أحس ما في شي ببالي ف بمجرد ما أحط القلم على الورقه أي فكره و أي شعور أكتبو سواء كان شي رهيب أو عادي أو مش كويس ف أعتبرها مكان أعبر فيه دون ما أخجل أو افكر في ردة فعل شخص لأنو محد بيطلع عليها^.

🌻🌿

ثانياً:متى وفين أكتبها ؟

من إسمها صفحات الصباح ف تنكتب أول ماتصحى على طول وكمان في ناس تحكي ممكن تنكتب إي وقت بليوم بس الأفضلية بصبح حتى تفرغي مخك من أي أفكار ، وكمان تنكتب في دفتر عادي ممكن تنكتب بشكل إلكتروني فكل شخص وأيش يفضل.

🌻🌿

أخيراً:تجربتي معها .

عرفتها قبل تقريبا 4 شهور أول ماجربتها بلحيل كملت 3 صفحات لأنو أقول مافي حكي أكتبو بس بعد كم يوم ألاقي نفسي أكمل ثلاث صفحات وأبي أكمل لأكثر ،حسيت براحه معها لأنو أعبر عن نفسي بشكل أفضل دون ما أفكر من حيقراها وكيف خطي وكيف مدري وش.

جربوها و يارب قدرت أفيدكم فيها

                                                             🌻🌿

”تأكد أنّك أدركت من الحياة نعيمها، حين تَجد الفَرح في أبسط تفاصِيل يُومك وتكتفي بِذلك.”

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s